ADEGAN.08.

Obong menghentikan kesibukannya, kemudian melemparkan pandangannya pada jamur yang berada di atas meja.

Mamang Bakso mengamati tingkah Obong

Mamang Bakso:

Laen kali bakso yang kito jual jangan enjuk lagi jamur, aneh pulo bakso make jamur, bukannyo kuah model..!sudah..Bantu abah meringkesi setuo belombok dibelakang,, gancang!!

Obong:

Iyo bah...kato guru biologi aku, jamur tuh namo laennyo fungi bah, nah ado nian abah namo ilmu yang mempelajari khusus tentang jamur..

Mamang Bakso:

Siapo ilmuwan itu..tukang jamu bukan..

Obong:

Bukan bah..ilmu yang mempelajari tentang jamur disebot mikologi..

Mamang Bakso:

Ay dak terti abah maka miko maka miko tuh..haram dak..kalu miko anaknyo haji bacot itu tau abah..sudah sanolah ringkesi pekakas disano..(Obong berlalu) (abah diam sebentar) pintar sebenernyo anak aku ini, idaak cak abahnyo..tapi sayang dak benasib bae kau..makonyo obong! Cubo pas sekolah dulu kau bener-bener..ini dak..lah gilo lantak betino! Betino tadi lemak man bagus..dahlah nasib kau nian memang! (membereskan meja) Nah, Hp siapo ini? Bong Hp siapo ini bong?

(Blakout)